Малика Диана ҳаёти ҳақидаги тарихий драма - «Тож» энг яхши сериал сифатида «Олтин глобус»ни қўлга киритди. Энг яхши мини-сериал - «Қироличанинг юриши».
Лос-Анжелесда 1 март, душанбага ўтар кечаси 78-марта «Олтин глобус» мукофотини тантанали топшириш маросими бўлиб ўтди. Кечанинг асосий мукофотларидан бири - энг яхши драматик сериал - Буюк Британия қироличаси Елизавета II ҳукмронлиги ҳақидаги «Тож» тарихий драмасига берилди.
Congratulations to The Crown (@TheCrownNetflix) - Best Television Series - Drama. - #GoldenGlobes pic.twitter.com/lmcZxcwFzi
— Golden Globe Awards (@goldenglobes) March 1, 2021
Сериалда шаҳзода Чарлз ролини ўйнаган Жош О'Коннор телесериалнинг энг яхши актёри, «Тож» фильмида малика Диана ролини ижро этган британиялик Эмма Коррин эса телесериалнинг энг яхши актрисаси сифатида «Олтин глобус» мукофотига сазовор бўлди.
«Қироличанинг юриши» психологик триллери энг яхши мини-сериал деб топилди, унда рол ижро этган Аня Тейлор-Жой эса мини-сериалларнинг энг яхши актрисаси сифатида эътироф этилди.
Энг яхши сценарий учун мукофот Аарон Соркинга 1960-йилларнинг охирида АҚШда урушга қарши фаоллар устидан бўлиб ўтган суд жараёни тўғрисидаги «Чикагодаги еттилик устидан суд» тарихий драмаси учун берилди.
Энг яхши анимацион картина бўйича мукофот Pixar компаниясининг Soul («Қалб») фильмига топширилди.
Кечанинг бош мукофоти - энг яхши драматик фильм учун «Олтин глобус» - Хлоя Чжаонинг «Кўчманчилар ери» фильмига насиб этди.
«Олтин глобус» мукофотининг барча ғолиблари:
- Драма жанридаги энг яхши фильм: «Кўчманчилар ери»;
- Энг яхши комедия ёки мюзикл: «Борат 2»;
- Энг яхши режиссер: Хлоя Чжао;
- Энг яхши сценарий: Аарон Соркин;
- Энг яхши актёр (драма жанридаги фильмда): Чедвик Боузман;
- Энг яхши актриса (драма жанридаги фильмда): Андра Дэй;
- Энг яхши актёр (комедия ёки мюзиклда): Саша Барон Коэн;
- Энг яхши актёр (комедия ёки мюзиклда): Розамунд Пайк;
- Иккинчи пландаги энг яхши актёр: Дэниэл Калуя;
- Иккинчи пландаги энг яхши актриса: Жоди Фостер;
- Энг яхши хориж фильми: «Минари» — Жанубий Корея;
- Энг яхши анимацион фильм: «Қалб»;
- Энг яхши саундтрек: Трент Резнор, Аттикус Росс, Жон Батист;
- Энг яхши қўшиқ: «Io Sí (Seen)»;
- Сесилла Б. номидаги карьерасидаги ютуқлари учун фахрий «Олтин глобус»: Жейн Фонда;
- Драма жанридаги энг яхши сериал: «Тож»;
- Энг яхши комедия сериал: «Шиттс Крик»;
- Энг яхши фильм ёки мини-сериал: «Қироличанинг юриши»;
- Энг яхши актёр (драма жанридаги сериалда): Жош О’Коннор;
- Энг яхши актриса (драма жанридаги сериалда): Эмма Коррин;
- Энг яхши актёр (комедия жанридаги сериалда): Жейсон Судейкис;
- Энг яхши актриса (комедия жанридаги сериалда): Кэтрин О’Хара;
- Энг яхши актёр (телефильм ёки мини-сериалда): Марк Руффало;
- Энг яхши актриса (телефильм ёки мини-сериалда): Аня Тейлор-Жой;
- Телевидениедаги энг яхши иккинчи пландаги актёр: Жон Бойега;
- Телевидениедаги энг яхши иккинчи пландаги актриса: Жиллиан Андерсон;
- Телевидениега қўшган ҳиссаси учун махсус мукофот: Норман Лир.
