Чеченистон раҳбари вазифасини бажарувчи Рамзан Қодировнинг баёнот беришича, республика 2018 йилги футбол бўйича жаҳон чемпионати гуруҳ босқичи ўйинларини Кавказда ўтказиш имконияти учун курашиш ниятида.
«Мутко бу масалада қатъий қарашда. Мен у билан бошидаёқ гаплашганман. Имконлар бор, ҳеч бўлмаса битта ўйинни Кавказда, хусусан Чеченистонда ўтказишлари учун курашамиз. Бунинг учун бизда барча шароитлар мавжуд», — дея Қодиров сўзларини келтиради ТАСС агентлиги.
ЖЧ-2018 ўйинлари 2018 йил 14 июнидан 15 июлигача Россиянинг 11та шаҳридаги 12та стадионда бўлиб ўтиши режалаштирилмоқда. Булар: Москва, Санкт-Петербург, Қозон, Нижний Новгород, Саранск, Калининград, Волгоград, Екатеринбург, Самара, Сочи ва Ростов шаҳарларидир.