Осиё Чемпионати—U19. Ўзбекистон Тожикистон билан ўйинда иродали ғалабага эришди

Ёшлар ўртасидаги Осиё Чемпионатида ўзининг илк ўйинини Тожикистонга қарши ўтказган Ўзбекистон термаси иродали ғалабага эришди — 2:1.

Ҳисоб 19-дақиқада тожикистонлик футболчилар томонидан очилган бўлса-да, иккинчи бўлимда Жасур Абдураимов шогирдлари 2 та гол уришга муваффақ бўлди.

Бироздан кейин гуруҳдаги иккинчи учрашувни ўтказиш учун Хитой ҳамда Австралия термалари майдонга чиқиб келади.

Осиё Чемпионати U19
“D” гуруҳи. 1-тур
15 октябрь, шанба

Ўзбекистон — Тожикистон 2:1
Голлар: Кароматулло Саидов, 19 (0:1). Саиджамол Давлатжонов, 68 (1:1). Жасур Яхшибоев, 72 (2:1).

Ўзбекистон: Умид Эргашев — Ҳожиакбар Алижонов, Ислом Қобилов, Хушнуд Авилов, Азиз Ғаниев, Санжар Қодирқулов (Саиджамол Давлатжонов, 46), Жасур Яхшибоев, Шароф Муҳиддинов, Ойбек Рустамов, Бекзод Ғанижонов (Бобир Абдихолиқов, 46), Нурилло Тўхтасинов (Жамшид Юсупов, 46).