Перулик шаманлар америкалик сайловчиларга ёрдам кўрсатиш мақсадида Лимадаги пляжда тўпланишди ва чилдирмалар ҳамда қўлларидаги туморлар билан АҚШ президентлари портретлари қаршисида ўз ибодатларини амалга оширишди. Бу ҳақда Newshub хабар бермоқда.
Шаманлардан бирининг сўзларига кўра, сайловда Ҳиллари Клинтон ғалаба қозонади.
Интернетда жойлаштирилган видеороликда Ҳиллари Клинтон ва унинг рақиби Дональд Трамп портрети билан бир қаторда Россия президенти Владимир Путин ҳамда унинг венесуэлалик ва колумбиялик ҳамкасблари — Николас Мадуро ҳамда Хуан Мануэль Сантоснинг суратлари турганига гувоҳ бўлиш мумкин. Улар бу маросимда қандай аҳамият касб этишларига ойдинлик киритилмаган.
