Сингапурда Наньян технологик университети олимлари Чжан Байлэ бошчилигида "сеҳрли қалпоқчани" ихтиро қилишга яқин турибдилар. Жисмларни кўринмас қилишга имкон берувчи ихтиро ҳозирча кичкинагина буюм ва жонзотларни кўринмас қила олади.
Янги технология кўзгулар эффекти ёрдамида жисмнинг бир қисмини бир текисликдагина "яширишга" имкон беради.
Чжан Байлэ бундай "қалпоқчани" яратишни ёшлигидан орзу қилган. Лойиҳа 3 йил давомида олиб борилган. Чжан Байлэ бу вақтдан кўпини "қалпоқчани" яратиш назариясига сарфлаган.
Ҳозирги кунда ихтирочилар бир ўлчамли технологиялар билан чекланиб қолмасдан, ўз ихтиролари имкониятларини кенгайтиришга ҳаракат қилмоқдалар.
Олимларнинг айтишича, ушбу ихтиродан мудофаа мақсадларида фойдаланиш мумкин. У аскарни ҳаттоки иссиқлик нурланишига таъсир қилувчи тунги кўриш мосламаларини қўллаганда ҳам мутлақ кўринмас қилишга имкон беради.
