Фото: © РИА Новости
АҚШ пойтахти Вашингтон шаҳрида юзлаб кишилар республикачилар номзоди Дональд Трампнинг президент сифатида сайланишига қарши норозилик намойиши ташкил этишди. Бу ҳақда РИА “Новости” агентлиги хабар қилмоқда.
Агентлик мухбирининг сўзларига кўра, 500 кишига яқин оломон газеталар сотиш учун ўрнатилган қутиларни ағдариб, Оқ уй томон ҳаракатланишган.
Бунга қадар, 200 кишилардан иборат намойишчилар Дональд Трамп компанияси томонидан Оқ уй ва Капитолий ўртасида барпо этилган Trump International меҳмонхонаси олдида тўпланишган эди. Улар «АҚШ Трамп, Ку-клукс-клан ва фашистларсиз», ҳамда «Трамп — менинг президентим эмас» каби шиорларни айтишган.
