Олий лиганинг 29-тури доирасида бўлиб ўтган «Локомотив» ва «Металлург» жамоалари ўртасидаги ўйиндан кейин Ўзбекистоннинг янги чемпионини тақдирлаш маросими бўлиб ўтди.
Тақдирлаш маросими учун майдонда махсус саҳна ясалди. «Локомотив» футболчилари тилла рангдаги футболкаларни кийишди. Барча ўйинчилар, мураббийлар, клуб раҳбарияти саҳнага таклиф этилишди. Ўзбекистон Профессионал футбол лигаси бош директори Фарҳод Магаметов, Ўзбекистон футбол федерацияси вице-президенти Сардор Раҳматуллаев ва Ўзбекистон темирйўллари АЖ раҳбари Ж.Раматов чемпионлик кубогини жамоа сардори Темур Кападзега топширди.
Шундан сўнг мушаклар отилди, We are the Champions мусиқаси янгради ва чемпионлик нишонланди.
