Ҳиндистоннинг Кашмир вилоятида 8-дан 9 январга ўтар кечаси кучли қор ёғди. Бутун минтақада ҳаво ҳарорати рекорд даражага қадар тушиб кетди. Бу ҳақда Mashable хабар бермоқда.
Кашмир вилоятининг шимолий қисмида рекорд даражадаги совуқ ҳарорат қайд этилди - 12,4 даража совуқ. Сўнгги бор бундай ҳолат 2012 йилда кузатилганди. Ўшанда Гульмарг тоғ-чанғи курортида ҳаво ҳарорати 16,5 даражага қадар тушиб кетган. Минтақанинг жанубий ҳудудларида ҳам беш йилдан бери кузатилмаган совуқ об-ҳаво ҳукм сурмоқда.
Маълумот учун, Кашмир – Ҳиндистон ярим оролидаги мунозарали вилоят бўлиб, у Ҳиндистон ва Покистон ўртасидаги можарога сабаб бўлиб келади. Минтақа айни дамда Жамму ва Кашмир штатига бўлинган. Шу билан бир қаторда, ҳудудда белгилаб қўйилган чегара йўқ.
