Фото: Reuters
Япониялик сузувчи Иппэй Ватанабэ 200 метр масофага брасс усулида сузишда Токиодаги мусобақада 50 метрлик сув ҳавзасида жаҳон рекордини янгилади. Бу ҳақда 29 январда "Р-Спорт" нашри хабар бермоқда.
19 ёшли Ватанабэ белгиланган масофани 2 дақиқа 6,67 сонияда сузиб ўтиб, бу масофани 2 дақиқа 7 сониядан тезроқ сузиб ўтган биринчи спортчи бўлди. Рио-де-Жанейродаги Олимпиадада япониялик ушбу масофани ярим финалда 2:07,22 дақиқада сузиб ўтиб, Олимпиада рекордини ўрнатганди. Бироқ финалда 6-ўринни эгаллаган.
Аввалги рекорд (2.07,01) ҳам япониялик спортчи Акихиро Ямагучига тегишли бўлган ва 2012 йил сентябрда ўрнатилган.
2014 йилда Ватанабэ Хитойдаги ўсмирлар Олимпиада ўйинларида олтин медаль қўлга киритганди.
