Франция терма жамоаси гандбол бўйича жаҳон чемпионати финал учрашувида Норвегия термасини мағлубиятга учратди.
Парижда 29-январь куни бўлиб ўтган учрашув 33:26 ҳисобида жаҳон чемпионати мезбони – францияликлар фойдасига ҳал бўлди. Ўйиндаги энг сермаҳсул ўйинчига мезбонлар вакили Никола Карабатич айланди, у олтита тўп киритган. Франция терма жамоаси ўз тарихида бешинчи бор жаҳон чемпионига айланди.
Словениялик гандболчилар хорватларни 31:30 ҳисобида доғда қолдириб, бронза медалларини қўлга киритди.
Маълумот учун, гандбол бўйича жаҳон чемпионати Францияда 11-29 январь кунлари бўлиб ўтди.