АҚШ президенти Дональд Трамп ухлашга қанча вақт сарфлашини айтиб ўтди.
The Hill’нинг хабар беришича, Америка етакчиси одатда ярим тунда ёки 01:00да ухлашга ётиб, 05:00да уйғонар экан.
Трампнинг сўзларига кўра, у эрталаб қоғозларни кўздан кечириб, энг сўнгги янгиликларни билиш учун телевизор кўради. Шунингдек у ўз президентлик муддати аввалида ишларнинг нақадар кўплигидан ҳайратланганини ҳам таъкидлаб ўтган.
