Истанбул шаҳрида ИШИД аъзолари бўлган 2 нафар шахс қўлга олинди. CNN Turk маълумотига кўра, улар Reina клубида содир этилгани каби теракт тайёрлаганди.
Маълум қилинишича, ушбу шахслар Ўзбекистон фуқаролигига эга бўлиб, улардан қуроллар, портловчи моддалар ва электон жиҳозлар мусодара этилган.
Эслатиб ўтамиз, 1 январь куни Reina тунги клубида ИШИДнинг ўзбекистонлик аъзоси Абдулқодир Машарипов томонидан қирғин уюштирилганди. Унинг ҳужуми оқибатида 39 киши ҳалок бўлди, шундан 16 нафари хорижлик эди, улар орасида Саудия Арабистони, Марокаш, Иордания, Ливан, Ливия, Исроил ва Россия фуқаролари бор эди. ИШИД ушбу хунрезлик учун масъулиятни ўз зиммасига олди. 16 январь куни Машарипов қўлга олинди.
Машарипов қилган ишидан пушаймон эмаслигини айтиб, ўзига ўлим ҳукми чиқарилишини сўради
