Назарбоев Қозоғистон келажагига доир фикрларини билдирди

Қозоғистон давлат раҳбари Нурсултон Назарбоев "Келажакка назар: ижтимоий онгнинг модернизацияси" номли кучли ва масъулиятли инсонлар жамиятини қандай барпо этиш мумкинлиги хусусидаги қарашлари билан ўртоқлашди. Унинг фикрлари Оқўрда сайтида эълон қилинган. 

Президент сўзларига кўра, аввалроқ эълон қилинган ислоҳотлар кенг кўламли ишларни амалга оширишни назарда тутади ва нафақат давлатга, балки ҳар бир қозоғистонликка бевосита дахлдордир. 

"Шу боисдан ҳам мен, биз қандай қилиб биргаликда, кучли ва масъулиятли инсонларнинг ягона жамиятини барпо этиш учун келажакка қадам ташлашимизга доир қарашларимни сиз билан баҳам кўришга қарор қилдим", - деб ёзади Қозоғистон етакчиси.