Ўзбекистон Ички ишлар вазири қатор лавозим тайинловларини амалга оширди. Бу ҳақда “Постда” газетаси хабар берган.
Унга кўра, подполковник Шораҳмедов Давронбек Шомажидович Ўзбекистон ИИВ Назорат-ревизия инспекцияси бошлиғи этиб тайинланган бўлса, подполковник Ҳайитов Эркин Шоймардонович ИИВ юридик таъминот бошқармаси бошлиғи бўлди.
Сурхондарё вилояти ИИБ бошлиғи лавозимига эса Сотволдиев Шуҳратжон Ҳошимович тайинланди.
Шунингдек, Раҳимов Сардорбек Қобулович Хоразм вилояти ИИБ ҳуқуқбузарликлар профилактикаси бошқармаси бошлиғи лавозимини эгаллаган.
Аввалроқ Қорақалпоғистон ИИВ Жиноят қидирув бошқармаси ва Нукус шаҳар ИИБга янги бошлиқлар тайинлангани ҳақида хабар бергандик.
