Хитойлик олимлар ис газини бензинга айлантириш бўйича янги технологияни таклиф этишмоқда. У истиқболда иссиқхона газларининг атмосферага чиқарилишини камайтириши мумкин. Shanghai Daily нашрининг ёзишича, новаторлик услубининг муаллифлиги Паст углеродли конверсия, фан ва техника лабораторияси (CAS Key Laboratory of Low-Carbon Conversion Science and Engineering) билан ҳамкорликда тадқиқот олиб борган Шанхай истиқболли тадқиқотлар институти (Shanghai Advanced Research Institute)га тегишли.
Хитой, айни вақтда, атмосферага иссиқхона газларини энг кўп чиқарувчи мамлакатлар сирасига киради. Янги технология бу муаммони ҳал этишнинг истиқболли йўли бўлиши мумкин. Чунки, ис гази атмосферада кенг тарқалган иссиқхона газларидан биридир.
"Ис гази инерт бўлгани сабабли бунгача қўлланилган усуллар метанол каби кимёвий моддалар олинган. Бизнинг кашфиётимиз уни икки ёки уч углеродли модда, масалан бензинга айлантиришга имкон беради", - деб ҳикоя қилган лойиҳа иштирокчиларидан бири Чжун Ляншу. Бунда ишлаб чиқарилаётган бензин таркибида нитрид ва сульфид қўшимчалари бўлмайди.
Ушбу технологиянинг истиқболли эканига қарамай, олимларнинг тан олишича, уни саноат миқёсида қўллаш масаласи, ишлаб чиқариш қимматлиги туфайли савол остида қолмоқда.
