Беларусь президенти Александр Лукашенконинг маълум қилишича, республика фуқароларига инқилоблар, демократия ва инсон ҳуқуқлардаги чайқовчилик керак эмас.
Лукашенконинг беларусларга Мустақиллик Куни муносабатида билан йўллаган табригида айтилишича, “сўнгги йилларда кўп нарсалар ўзгарди: мамлакат ҳам, унда яшовчи кишилар ҳам, бироқ ҳар биримизнинг эркин ва тинч давлатда яшаш истагимиз ўзгаришсиз қолди”.
"Беларусларга ағдар-тўнтарликлар, уруш ва инқилоблар, демократия ҳамда инсон ҳуқуқларидаги чайқовчилик керак эмас. Бизда вақт билан тўғрилиги исботланган идеаллар ҳамда қадриятлар бор, ва шунинг учун ҳеч кимга бошқа нарсани тиқиштиришларига йўл қўймаймиз", - дейилади давлат раҳбари сайтида жойлаштирилган табрик матнида.
Унинг таъкидлашича, "XXI асрдаги Беларусь – ўзининг мустақил ривожланиш йўлидан барқарор кетаётган давлатдир".
"Бизнинг мамлакатда тинчлик ва тартиб-интизом бор. Беларусь халқи бирдам, уни Ватанни мустаҳкамлаш ҳақида қайғуриш ҳамда бу мақсадга эришиш йўлидаги ҳалол меҳнат бирлаштириб туради", - дея қўшимча қилиб ўтди президент.
