Аввал хабар берилганидек, Ўзбекистон Республикаси Президенти Шавкат Мирзиёев 21 июль куни Тошкент вилоятига ташриф буюрди.
Унда бир қатор қизиқ лойиҳалар ҳақида маълумот берилди. Хусусан, Тошкент вилоятининг тоғли ҳудудларида замонавий меҳмонхоналар қурилиши, Ўрта Чирчиқ туманидаги «Ўзбегим отлари» от заводи ҳудудида зотдор отларни кўпайтиришга қаратилган истиқболли лойиҳалар ва Ангрен ЭИЗда барпо этилаётган шина заводида «Bars» бренди остида автомобиль шиналарининг ишлаб чиқарилиши шулар жумласидан. Бундан ташқари, Тўйтепада ўтказилган йиғилишда давлат раҳбари Ангрен ва Оҳангарон ҳокимлари, Марказий банкнинг Тошкент вилояти бош бошқармаси раҳбари ҳамда вилоят ўрта махсус, касб-ҳунар таълими бошқармаси раҳбари, президент давлат санитария-эпидемиология назорати маркази вилоят бўлими раҳбарини, Ўрта Чирчиқ ва Пскент туманларида прокурорлар ва ИИБ бошлиқларини лавозимдан озод этган.
Қуйида Шавкат Мирзиёевнинг Тошкент вилоятига ташрифи тасвирланган фотосуратлар тақдим этилади.
Суратлар Шавкат Мирзиёевнинг Facebook-саҳифасидан олинди
