«Арсенал» ярим ҳимоячиси Алекс Окслейд-Чемберлен «Ливерпуль»га ўтди. Бу ҳақда мерсисайдликлар клуби расмий сайтида маълум қилинди.
Бундан аввалги хабарларда клублар футболчини 40 миллион фунт эвазига трансфер қилиш бўйича келишгани айтилганди. «Ливерпуль» билан Окслейд-Чемберлен 6 йиллик шартнома имзолайди.
Окслейд-Чемберлен «Ливерпуль»да ҳафтасига 120 минг фунт миқдорида маош олади. У «Арсенал» билан шартномани узайтиришдан бош тортганди. Лондон клуби унга ҳафтасига 180 минг фунт миқдорида маош тўлаш назарда тутилган шартнома таклиф этганди.