Фото:aa.com.tr
Хитойда Бразилия, Россия, Ҳиндистон, Хитой ва ЖАР етакчилари иштирокидаги БРИКС гуруҳи саммити ниҳоясига етди.
Хитойнинг жанубидаги Сямен шаҳрида ўтган саммитда 3 мингдан кўпроқ маҳаллий ва хорижий журналистлар, 80 та давлат вакиллари ва 200 дан ортиқ тадбиркор иштирок этди.
Саммит кун тартибида Шимолий Кореянинг ядровий синовлари, коррупция ва тижорий протекционизм, кўп томонлама савдо тизимини қўллаб-қувватлаш каби масалалар турди.
Бундан ташқари, саммит иштирокчилари савдо, инфратузилма, иқтисодиёт, киберхавфсизлик ва электрон савдо соҳаларида ҳамкорликни муҳокама қилдилар.
БРИКС’нинг кейинги саммити 2018 йилда ЖАР пойтахти Йоханнесбургда бўлиб ўтади.
