Қозоғистон Республикаси Марказий сайлов комиссияси аъзоси Марат Сарсембаев Қирғизистонда бўлиб ўтадиган президентлик сайловларида кузатувчи сифатида иштирок этишдан бош тортди, дея хабар бермоқда Tengrinews.kz. Марат Сарсембаев бу ҳақда Қозоғистон МСК йиғилишида маълум қилган.
Мамлакат Марказий сайлов комиссияси аъзолари Сарсембаевнинг қарорини маъқуллашган.
Эслатиб ўтамиз, Қирғизистонда президентлик сайлови 15 октябрь, якшанба куни бўлиб ўтади. Президентликка 13 кишининг номзоди илгари сурилди.