Andrews & Arnold интернет-провайдери муҳандиси Эдриан Кеннард узунлиги 2 метрлик ҳўл арқон орқали интернет ўтказди. У сониясига 3,5 мегабит тезлик билан интернетга улана олган.
“Ростини айстам, бу менга қизиқ бўлди”, деб айтган Кеннард. Унинг айтишича, у тажрибадан на ўзи, на компанияси учун наф борлигини кўрмаяпти. Кеннарднинг қўшимча қилишича, агар арқонга алюминий банкаси келтирилса, бонус сифатида яна телефон линиясини ҳам оласиз”, деб айтган муҳандис.
Эркак модемларга мўлжалланган ADSL-линияни яратиш учун туз билан тўйинтирилган иккита 2 метрлик ҳўл арқон олган. У арқонларни компьютер ва тестерга улаган. Сўнгра эркак маълумотлар ўтказилиши тезлигини ўлчаб, икки қурилма ўртасида уланиш бўлганини кўрган: 3,5 мегабит кирувчи ва 67 килобайт чиқувчи маълумот қайд қилинган.
Суррей университети профессори Жим ал-Ҳалилий ҳўл арқон интернетни ўтказиш учун нега тўғри келишини тушунтирган.
“Ҳўл арқон мис сим каби электр токини унча яхши ўтказмаса-да, бу вазиятда гап ток ҳақида кетмаяпти. Арқон электромагнит тўлқинни узатиш учун хизмат қилган ва кенг полосали сигнал жуда юқори бўлгани учун у нимадан қилингани аҳамиятсиздир”, деб айтган ал-Ҳалилий.
