Лос-Анжелеснинг Канога-Парк туманида противогазда бўлган эркак мачете (узун пичоқ) билан ўткинчи одамларга ҳужум қилди. Бу ҳақда New York daily news нашри маълум қилди.
Маълум қилинишича, воқеа жойига тезда полициячилар етиб келиб, жиноятчини ўққа тутишган. Ҳужум оқибатида 8 киши жароҳат олиб, шифохонага етказилган. Ҳалок бўлганлар ҳақида маълумот берилмаган. Шунингдек, воқеанинг қолган тафсилотлари ҳам номаълумлигича қолмоқда.
Шаҳар полиция бошқармасининг твиттерда маълум қилишича, босқинчи олган жароҳатлардан ўлган.
23 декабрда АҚШнинг Федерал қидирувлар бюроси Сан-Францискода собиқ денгиз пиёда аскарини Рождествога теракт тайёрлаш гумони билан қўлга олди. Аниқланишича, 26 ёшли гумонланувчи ИШИДни қўллаб-қувватлаган.
ФҚБда маълум қилинишича, гумонланувчининг уйи тинтув қилинганда “Буни ўзингизга сўраб олдингиз” деган ёзув ва АҚШ президенти Дональд Трампнинг Ал-Қудсни Исроил пойтахти деб тан олиши қораланган хат топилган.
