Фото: NASA/Bill Ingalls
NASA коинот агентлиги 2017 йилда Instagram’даги аккаунтида жойлаштирилган энг оммавий суратлар рейтингини тузди. Рўйхатдан обуначиларга энг кўп ёққан 10 сурат ўрин олди. Барча суратлар видеога бирлаштирилиб, YouTube’да жойлаштирилди.
Рейтингда 1-ўринни (1471114 та лайк) Каскейд кўли устида қайд қилинган қуёш тутилиши сурати олди. 2-ўринни (1144503 та лайк) яна бир қуёш тутилиши сурати олди. 3-ўринга (1042403 та лайк) NASA фазогири Марк Томас Ванде Хей томондан Халқаро коинот станциясидан тасвирга олинган сайёрамизнинг тунги кўриниши сурати лойиқ топилди.
