Фото: AP
АҚШ президенти Дональд Трампнинг маълум қилишича, Майкл Вульфнинг «Олов ва ғазаб: Трампнинг Оқ уйида» китоби «ёлғонга тўла». Бу ҳақда у твиттердаги саҳифасида ёзди.
«Мен сохта китоб муаллифига Оқ уйга киришни тақиқлаб қўйдим. Аслида мен унга бир неча марта рад жавобини берганман! Мен у билан китоб ҳақида ҳеч қачон гаплашмаганман. Бу китоб ёлғон, сохта маълумотлар ва умуман йўқ бўлган манбалардир», - дея ёзди Трамп.
Эслатиб ўтамиз, аввалроқ WSJ Майкл Вульфнинг ушбу китобига таянган ҳолда Трамп собиқ маслаҳатчиси Иванкани «бефаҳм ғишт» деб атагани ҳақида хабар берганди.
