Лондондаги Гэтвик аэропортидан Маврикийга учмоқчи бўлган йўловчилар парвозни амалга ошириши керак бўлган British Airways авиакомпанияси учувчиси устидан шикоят қилишди.
Daily Mail маълумотларига кўра, 2063-рейс йўловчилари учувчидан спиртли ичимлик ҳиди келаётганини сезишган ва полиция чақиртиришган. Полиция учувчини дарҳол ҳибсга олган.
300га яқин йўловчи 18 январда маҳаллий вақт билан соат 20:20да Маврикийга учишлари керак бўлган. Бироқ рейсни маст учувчи сабабли 2,5 соатдан кўпроққа қолдиришга тўғри келган. Самолёт соат 22:56да ҳаво кўтарилган ва 11 соатдан кейин Маврикийга муваффақиятли қўнган.
Учувчи ишдан бўшатилиши мумкин. Авиакомпаниянинг ўзида бу воқеага изоҳ берилмаган.