АҚШ собиқ давлат котиби ва Қўшма Штатлар президенти Дональд Трампнинг 2016 йилги сайловларда асосий рақиби бўлган Ҳиллари Клинтон АҚШнинг Эрон билан ядровий битимдан чиқишини катта хато, деб атади. Бу ҳақда у твиттердаги саҳифасида ёзган.
«Эрон билан ядровий битимдан чиқиш катта хато. Бу Америкага хавф уйғотади ва давлатни ишончсизроқ қилади. Эрон энди анча хавфли. «Б» режа қандай? Бомбардимон қилиш жавобга айланиши мумкинлиги ҳақида ўйлаётган ҳар бир киши ёлғон ахборотга эга», - дея ёзган Клинтон.
Унинг таъкидлашича, Эронга қарши янги санкцияларнинг жорий этилиши ядро битимини имзолашдан кўра қийинроқ вазифа бўлади.
«Шунингдек, баллистик ракеталар ва терроризм каби бошқа турдаги таҳдидлар билан иш кўриш қийинлашади. Энди бизда босим дастаклари йўқ. Эрон нима хоҳлаётган бўлса, шуни қилиши мумкин», - дея қўшимча қилиб ўтди Клинтон.
Эслатиб ўтамиз, аввалроқ Саудия Арабистони Трампнинг қарорини қўллаб-қувватлаганди.
