Saudiya Arabistoni Trampning qarorini qo‘llab-quvvatladi

Saudiya Arabistoni rahbariyati AQSh prezidenti Donald Trampning Eron yadroviy bitimidan chiqish bo‘yicha qarorini butunlay qo‘llab-quvvatlaydi va ma'qullaydi. Bu haqda podshohlik TIV bayonotida aytilgan, deb xabar bermoqda Al Ekhbariya telekanali.

"Saudiya Arabistoni umid qiladiki, xalqaro hamjamiyat Eronning dushmanlik kayfiyatidagi xatti-harakatlariga qarshi kurashda qat'iy va birdam pozitsiyani egallaydi, - deyiladi matnda. – Eron sanksiyalar bekor qilinishi tufayli ballistik raketalar ishlab chiqishni rivojlantirib, terrorchilik guruhlarini qo‘llab-quvvatlashi mumkin bo‘ladi". "Podshohlik Tramp e'lon qilgan qadamlarni qo‘llab-quvvatlaydi va ma'qullaydi, AQSh Eron bilan yadroviy bitimdan chiqishi hamda ushbu davlatga nisbatan iqtisodiy sanksiyalar joriy etishini yoqlaymiz", - deya ma'lum qilishgan tashqi siyosat idorasidan.

AQSh prezidenti Donald Tramp seshanba kuni Vashington Eron yadro dasturi bo‘yicha bitimdan chiqishi haqida ma'lum qildi. Bu bitim Tehronning yadro sohasidagi faolligiga BMT XK sanksiyalari bekor qilinishi evaziga cheklov qo‘ygan. AQSh ma'muriyati rahbarining bildirishicha, Qo‘shma keng ko‘lamli harakatlar rejasi Eronga yadro bombasini cheklovlarni chetlab o‘tgan holda yaratish imkonini bergan.

Eslatib o‘tamiz, avvalroq Trampning Eron bo‘yicha qarori neft narxiga ta'sir qilgani xabar berilgandi.