Россия Ички ишлар вазирлиги англиялик футбол ишқибозларининг Россияда жаҳон чемпионати ўтказилиши вақтида «учинчи жаҳон уруши» келтириб чиқарилиши бўйича баёнотига изоҳ берди, деб хабар қилмоқда «РИА Новости».
«Россия футбол бўйича жаҳон чемпионати вақтида оммавий муштлашувлар ёки ҳужумлар юз беришига йўл қўймайди, қонунбузарлар қўлга олинади ва депортация қилинади», - дея маълум қилган РФ ички ишлар вазирининг ўринбосари Игорь Зубов.
Шунингдек, Зубовнинг айтишича, Франциядаги Евро-2016 вақтида кузатилган оммавий муштлашувлар юз бермайди.
«Англиялик ишқибозлар жаҳон чемпионати вақтида «учинчи жаҳон уруши»ни келтириб чиқаришлари ҳақида маълум қилишди. Бу жуда кутилмаган баёнот. Францияда ўшанда кузатилган оммавий муштлашувлар Россияда такрорланмайди», - дея қўшимча қилиб ўтди у.
Эслатиб ўтамиз, аввалроқ Росавиация ЖЧ-2018 иштирокчи шаҳарлари узра парвозларни чеклаганди.
