Фото: Sputnik
Беларус ва Ўзбекистон қандолат маҳсулотларини ишлаб чиқариш бўйича қўшма корхона ташкил этишни режалаштирмоқда, деб хабар беради ТА Белта.
Олий Мажлис Сенати раиси Ниғматулла Йўлдошев бошчилигидаги Ўзбекистон парламент делегацияси Беларусда ташриф билан бўлиб турибди. У ерда республика Кенгаши раиси Михаил Мясникович билан учрашув ўтказилган.
Хабар қилинишича, томонлар қандолат саноати соҳасида, хусусан, лицензияланган ишлаб чиқаришни ташкил этиш бўйича ҳамкорликни муҳокама қилмоқдалар.
Беларусь томондан лойиҳада ХХ аср бошларида ташкил этилган, мамлакатдаги энг йирик қандолат фабрикаларидан бири бўлган «Коммунарка» иштирок этмоқда.
Эслатиб ўтамиз, аввалроқ Ниғматулла Йўлдошев Беларусга бориши хабар берилганди.
