Эрон терма жамоаси бош мураббийи Карлуш Кейруш Осиё Кубоги яримфиналида Япония терма жамоасидан учралган 0:3 ҳисобидаги мағлубиятдан сўнг, ўз лавозимини тарк этишини эълон қилди, деб хабар беради FOX Sports Asia.
65 ёшли португалиялик мутахассис 2011 йил апрель ойида Эрон терма жамоасини қўлга олган эди. Унинг бошчилигида Эрон 2 марта жаҳон чемпионати йўлланмасини қўлга киритди ва Осиёнинг 1-рақамли жамоасига айланди.
Аввалроқ, Карлуш Кейрушнинг Колумбия терма жамоасида иш бошлаши ҳақида хабарлар тарқалган эди.
