Қўшимча функционаллар
-
Тунги кўриниш
Самарқандда бу йил пахтанинг неча фоизи машиналарда терилиши маълум қилинди
Самарқанд матбуот уйида ўтказилган брифингда вилоят Қишлоқ хўжалиги бошқармаси бошлиғи ўринбосари Жамшид Насриддинов пахта теримига жалб этилган терим машиналари ҳақда маълумот берди. Бу ҳақда Kun.uz мухбири хабар бермоқда.
«Самарқанд вилоятида шу пайтгача 34 та пахта териш машинаси бор эди. Шундан 17 таси биринчи теримга жалб этишга яроқсиз ҳисобланади.
2020 йилги пахта мавсуми учун 37 та пахта териш машинаси олиб келинмоқда. Улардан Ўзбекистонда ишлаб чиқарилган бештаси ҳозирда кластер корхоналари машина паркларида турган бўлса, хориждан олиб келинган 20 та машинани айни вақтда божхона постларида ҳужжатларни расмийлаштириш жараёни кетмоқда. Тез орада барча машиналар олиб келиниб, ишга жалб этилади», – деди Жамшид Насриддинов.
Ж.Насриддиновга кўра, шу вақтга қадар Самарқандда пахтанинг 5 фоизи машиналарда териб олинган. Жорий мавсумда эса дастлабки ҳисоб-китобларга асосланиб, бу кўрсаткич 15 фоизга етиши тахмин қилинмоқда. Қолган 85 фоиз пахта қўлда терилади.
Пахта териш машиналари билан териб олинган ҳар бир тонна пахта хом ашёси учун 920 минг сўмдан кам бўлмаган хизмат ҳақи тўлаш белгиланган.
Мавзуга оид
11:44 / 27.12.2024
Тошкент - Самарқанд йўналишида янги темирйўлнинг техник-иқтисодий асосларини тайёрлаш бошланди
15:52 / 26.12.2024
Самарқандда “Turkish Airlines” авиакомпанияси экипаж аъзоси божхона назоратидан жанговар ўқ-дори олиб ўтишга уринди
07:35 / 26.12.2024
Бешта ҳудудда 16 кг гиёҳвандлик воситалари тўхтатиб қолинди
09:09 / 20.12.2024