Қўшимча функционаллар
-
Тунги кўриниш
Тошкентда учта автобус йўналиши ҳаракатига ўзгартириш киритилди
Вазирлар Маҳкамаси қарорлари талабларидан келиб чиққан ҳолда, 50-, 109А- ва 86-сонли автобус йўналишларининг ҳаракати ва жадваллари сонига ўзгартириш киритилди.
Фото: Kun.uz
«Тошшаҳартрансхизмат» ахборот хизмати хабарига кўра, «5-Автобус саройи» филиалига бириктирилган 50-сонли «Юнусобод мавзеси 9-даҳа - М.Юсуф кўчаси» автобус йўналиши ҳаракати Дўрмон йўли кўчасидан Т.Малик, Бинокор, Миллий боғ кўчалари орқали «Чингелди маҳалласи» бекатигача ташкил этилиб, йўналиш 50-сонли «Юнусобод мавзеси 9-даҳа - Чингелди маҳалласи» автобус йўналиши деб номланди ва йўналишдаги жадваллар сони ҳафта барча кунларига 5 (+1) та этиб белгиланди.
«8-Автобус саройи» филиалига бириктирилган 109А-сонли «Чуқурсой темирйўл станцияси - Чорсу метроси» автобус йўналиши тўғри йўналишдаги ҳаракати Қорасарой, А.Қодирий, Зарқайнар кўчалари орқали «Чорсу метроси» бекатигача ташкил этилиб, қайтиш йўналиши ўзгартиришсиз қолдирилди.
«12-Автобус саройи» филиалига бириктирилган 86-сонли «Сергели мавзеси 12-даҳа - Чилонзор буюм бозори» автобус йўналиши иш тартиби соат 5:30 дан 21:00 гача, йўналишдаги жадваллар сони шанба ва якшанба кунларига 4 (+2) тадан этиб белгиланди.
Мавзуга оид
12:24
“Жарима чиптасизлар учун” – Тошкент автобусларида йўлкирани нақд пулда тўлайдиганларга жарима солиниши рад этилди
18:59 / 07.01.2025
“Эгасини туни билан қидирдим” — доллар тўла ҳамённи онахонга қайтарган сержант
16:47 / 07.01.2025
Тошкентдаги автобусларда йўлкирани нақд пул шаклида берганлар жаримага тортилади
13:11 / 05.01.2025