Тошкент шаҳрида стоматология клиникасидан ўғрилик ҳолати бўйича жиноят иши қўзғатилди.
Фото: iStock
Яшнобод тумани ИИО ФМБга келиб тушган хабарга кўра, номаълум шахс стоматология клиникасига эшик қулфини бузиш йўли билан кирган.
Шундан сўнг, у 40 ёшли фуқарогa тегишли бўлган жами 5080 АҚШ доллари ва 118 200 000 сўмлик турли хилдаги стоматологик асбоблар ҳамда тиш имплантларини ўғирлаб кетган.
Кўрилган чора-тадбирлар натижасида, ушбу жиноятни содир этишда гумон қилинган 27 ёшли шахс аниқланиб, қўлга олинган.
Мазкур ҳолат юзасидан Ўзбекистон Республикаси Жиноят кодексининг 169-моддаси (“Ўғрилик”) билан жиноят иши қўзғатилган. Тергов давом этмоқда.
