Тошкент шаҳар Яшнобод туманида содир бўлган ёнғин тўғрисида расмий маълумот берилди.
Фото: Видеодан кадр
Бугун, 3 ноябр куни соат 10:40 да Тошкент шаҳар Яшнобод тумани, Жарқўрғон 3-берк кўчаси 163-уйда жойлашган ишлаб чиқариш корхонасида ёнғин бўлаётгани тўғрисида ФВБга хабар тушган.
Шунга кўра, 8 та ёнғин-қутқарув экипажи ҳодиса рўй берган ҳудудга соат 10:45 да етиб борган. Соат 11:24 да ёнғин қуршаб олинди, соат 11:54 батамом ўчирилган.
Ёнғин оқибатида фуқароларни куйиш тан жароҳати олиш ва ҳалок бўлиш ҳолатлари тўғрисида хабар келиб тушмади.
Воқеа жойига шаҳар ва туман ФВБ раҳбар ходимлари чиққан.
