Каромиддин Гадоев Малайзия пойтахтида Султон Иброҳим билан учрашди.
Ўзбекистоннинг янги тайинланган элчиси Каромиддин Гадоев 20 март куни Малайзия подшоҳи Султон Иброҳимга ишонч ёрлиқларини топширди.
Маросимдан сўнг кечган мулоқот давомида Ўзбекистон ва Малайзия ўртасидаги кўп томонлама ҳамкорликни янада ривожлантириш истиқболлари муҳокама қилинди.
Малайзия подшоҳи Ўзбекистон президентига юксак ҳурмат ва самимий тилакларини билдирди. Ўзбекистон халқига файзу барака, тинчлик-осойишталик, тараққиёт ва фаровонлик тилади. Элчига икки томонлама муносабатларни янада юксалтириш йўлидаги ишларига муваффақият тилади.
Ўзбекистоннинг янги тайинланган элчиси Каромиддин Гадоев 30 ноябр куни Куала-Лумпурга ташриф буюрди. Бунга қадар у Ташқи ишлар вазирлигининг БМТ ва бошқа халқаро сиёсий ташкилотлар билан ҳамкорлик бошқармаси бошлиғи ўринбосари лавозимида ишлаб келган.
