Мирзо Улуғбек тумани Дўрмон йўли кўчасида Captiva ва Lacetti тўқнашуви оқибатида йўл-транспорт ҳодисаси содир бўлди.
Фото: Видеодан кадр
Пойтахтнинг Мирзо Улуғбек туманида Captiva ва Lacetti иштирокида йўл-транспорт ҳодисаси содир бўлди.
Жорий йилнинг 21 март куни соат 22:30 ларда Мирзо Улуғбек тумани Дўрмон йўли кўчасида Captiva ва Lacetti русумли автомашиналар тўқнашуви оқибатида йўл-транспорт ҳодисаси содир бўлган.
Тошкент шаҳар ИИББ ЙҲХБ хабарига кўра, ЙТҲ натижасида Lacetti русумли автомашинанинг ҳайдовчиси ва 2 нафар йўловчиси турли даражадаги тан жароҳатлари билан шифохонага олиб кетилган.
Қайд этилишича, улар ҳозирда шифокорлар назоратида.
“Барча ҳайдовчилардан белгиланган қоидаларга амал қилишларини сўраймиз”, дейилади хабарда.
