Қўшимча функционаллар
-
Тунги кўриниш
Зомин аэропорти фаолияти вақтинча тўхтатиб турилгани маълум қилинди
Ўзгидрометга кўра, аэропортда катта авиабортларни қабул қилиш бўйича таъмирлаш ишлари олиб борилмоқда. Ҳаво бандаргоҳи 2023 йил сентярда фойдаланишга топширилган эди.
Фото: Uzbekistan Airports
Зомин аэропорти ҳозирги кунда йўловчиларга хизмат кўрсатишни вақтинча тўхтатиб турибди, дея маълум қилди Ўзгидромет.
Қайд этилишича, аэропортда катта авиабортларни қабул қилиш бўйича иккинчи босқич таъмирлаш ва қайта жиҳозлаш ишлари амалга оширилмоқда.
«Шу билан бирга, метеорологик қурилмаларни ҳам модернизация қилиш ишлари амалга оширилаётганини маълум қиламиз», — дейилади хабарда.
Ишлар қачон якунланиши маълум қилинмаган. Бу ҳақда қўшимча маълумот берилиши айтилган.
Эслатиб ўтамиз, Жиззах вилоятидаги Зомин аэропорти 2023 йилнинг сентябрида фойдаланишга топширилганди. Аэропорт 30 ўринга мўлжалланган йўловчи терминалига эга бўлиб, қуриш учун 60 гектар ер майдони ажратилган. Жорий йил июнида эса Uzbekistan Airways авиакомпанияси Airbus А320 самолётида Жиззах вилоятининг Зомин аэропортига синов парвозини амалга оширган эди.
Мавзуга оид
19:37 / 19.12.2024
Хитой сунъий оролда дунёдаги энг йирик аэропортлардан бирини қуради
13:24 / 16.12.2024
АҚШдаги аэропорт номаълум дронлар туфайли ёпилди
13:21 / 16.12.2024
Тошкент аэропорти ҳудудидан фуқарога дўкон очишда ёрдам ваъда қилган шахс ушланди
00:04 / 03.12.2024