Fuqarolik ishlari bo‘yicha Uchtepa tumanlararo sudi raisi ishdan olindi

Toshkent shahar fuqarolik ishlari bo‘yicha Uchtepa tumanlararo sudi raisi Mansur Imomov ishdan olingan. Kun.uz manbasining ma’lum qilishicha, uning ishdan bo‘shatilishi mazkur sud ayrim xodimlarining noqonuniy xatti-harakatlariga bog‘liq bo‘lishi mumkin.

Sudyalar oliy kengashi matbuot kotibi Tursunali Akbarov sud raisi lavozimidan olinganini tasdiqladi, shu bilan birga, “sudning ayrim xodimlari”ga oid gaplar shunchaki mish-mish ekanini aytdi.

Unga ko‘ra, Mansur Imomov Sudyalar odobi kodeksi talablarini buzgani uchun lavozimidan ozod etilib, sudyalik vakolatlari muddatidan ilgari tugatilgan.