Arab koalitsiyasi Qatarning Yamandagi amaliyotda ishtirok etishini taqiqladi

Foto: AP Photo / Abdulnasser Alseddik

Saudiya Arabistoni boshchiligidagi arab koalitsiyasi Qatarning Yamandagi amaliyotda ishtirok etishini to‘xtatdi. Bu haqda RIA Novosti xabar tarqatgan.

Xabarda aytilishicha, bunday qaror Doha Al-Qoida va IShID terrorchilik tashkilotlarini qo‘llab-quvvatlashi tufayli qabul qilingan.

Avvalroq Saudiya Arabistoni, Misr, Bahrayn va BAA Qatar bilan diplomatik aloqalarni uzgani haqida xabar berilgandi.

#Yaman #Qatar

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.