Rossiya dengiz orqali neft yetkazib berish hajmini oshirmoqda

Dengiz orqali neft eksporti kuniga 3,6 million barrelgacha ko‘tarildi, bu iyun oyining boshidan beri eng yuqori ko‘rsatkichdir, deya qayd etadi Bloomberg. 

Bunga YeI tomonidan bunday yetkazib berishga qo‘yilgan taqiqning yaqin orada kuchga kirishi sabab bo‘lmoqda.

Avvalroq oktabr oyida Rossiya neft qazib olish, uning dengiz va neft quvurlari orqali eksportini biroz qisqartirgandi. Bu haqda «Kommersant» ma’lum qildi.

Oktabr oyida Rossiyada kondensat ishlab chiqarishni hisobga olgan holda, kuniga 1,47 million tonnadan ko‘p bo‘lmagan neft qazib olindi, bu esa ushbu hajmning qariyb 8 foizini tashkil etdi. Bu OPEK+ kvotasidan past, u Rossiya uchun oktabr oyida kuniga 10,5 million barrel (kondensatsiz 1,43 tonna)ga teng.

Mutaxassislar Yevropa Ittifoqining yaqinlashib kelayotgan embargosi tufayli ishlab chiqarishni yanada qisqartirish va Rossiya neftiga talab keskin kamayishini bashorat qilmoqda. Kept konsalting kompaniyasi sherigi Maksim Malkovning so‘zlariga ko‘ra, embargo avtomatik ravishda talabning keskin pasayishiga va yetkazib berishni qayta yo‘naltirish zarurligiga olib keladi.

Biroq, bu masalani tezda hal qilishning iloji bo‘lmaydi, deb hisoblaydi ekspert. Uning fikricha, Yevropa Ittifoqidan tashqaridagi xaridorlar ikkilamchi sanksiyalardan qo‘rqib, Rossiya neftini sotib olishdan bosh tortadilar. Hindistondagi neftni qayta ishlash zavodlari jarimalardan qochish uchun xaridlarni qisqartirmoqda, dedi Malkov. 

Bundan tashqari, G‘arb tomonidan kiritilgan sanksiyalar tufayli texnologiyalarni tark etish o‘z ta’sirini o‘tkaza boshladi, deb ta’kidlaydi Kasatkin Consulting kompaniyasidan Dmitriy Kasatkin. Natijada neft ishlab chiqarish tannarxi oshib bormoqda. Mutaxassisning taxminiga ko‘ra, dekabr oyida Rossiyada neft qazib olish 9 foizga tushib, kuniga 1,3 million tonnagacha kamayishi mumkin.