Дортмунднинг «Боруссия» жамоаси ҳужумчиси Пьер-Эмерик Обамеянг Германия чемпионатининг 26-турида «Шальке»га қарши ўйин вақтида Nike фирмаси тайёрлаган ниқобни кийган ҳолда голни нишонлагани учун жазоланиши мумкин. Бу ҳақда Goal хабар бермоқда.
«Боруссия»нинг техник ҳомийси Puma ҳисобланади ва бу фирма спорт эпировкалари бозорида Nike билан рақобатчи. Дортмундликлар жамоаси спорт директори Ханс-Йоахим Ватцке маълум қилдики, Обамейянгнинг ҳаракати реклама руҳида деб топилса, санкция қўлланади.
«Ҳозирча буни тасдиқлай олмайман. Аммо бу реклама экани аниқланса, Пьер-Эмерик муаммога дуч келади», — деган Ватцке.
Бундан олдинроқ, ушбу учрашув вақтида «Шальке»нинг талисмани учрашув ҳаками Феликс Цвайерга ўйиндан кейин қизил карточка кўрсатгани ҳақида хабар берилган ва бу иш юзасидан тегишли жазо чораси кўрилиши мумкинлиги айтилганди.
