Россиянинг Санкт-Петербург шаҳрида бокс бўйича «Губернатор кубоги» соврини учун мусобақа якунланди.
Турнирнинг финал босқичида ўзбекистонлик 3 нафар боксчи - Абдумалик Халаков, Иқболжон Холдоров ва Козимбек Мардонов олтин медаль учун баҳс олиб борди.
Бу боксчиларнинг барчаси жангни ғалаба билан якунлаб, ўз вазн тоифаларида мусобақанинг олтин медалига эга бўлишди. Ғолиб ва совриндорлар яқин ўтмишнинг машҳур боксчиси Рой Жонс томонидан тақдирланди.
-56 кг: Абдумалик Халаков – Алексей Москвин (Россия) 4:1
-69 кг: Иқболжон Холдоров – Фернандо Луис (Бразилия) 5:0
-81 кг: Козимбек Мардонов – Андрей Косенков (Россия) 3:2
Миллий олимпия қўмитаси матбуот хизмати хабарига кўра, 20га яқин мамлакат вакиллари иштирок этган мазкур халқаро мусобақада Ўзбекистон терма жамоаси 3та олтин медаль билан умумжамоа бўйича биринчи ўринни эгаллади.
