2019 йилни ифодаловчи фотосуратлар.
Якунланиб бораётган 2019 йилда ҳар йилгидан кўра кўпроқ шов-шувли воқеалар бўлиб ўтди. Қуйидаги фотогалереяда йилнинг энг асосий воқеалари ва энг муваффақиятли суратлар яна бир эслаб ўтилади. Қуйидаги суратларда йил давомида бўлиб ўтган намойишлар, сиёсий можаролар, иқлим муаммолари ва Илон Маскнинг яна бир ихтиросини кўриш мумкин.
2019 йил 14 январь. Дональд Трамп фастфудли стол олдида. У Оқ уйдаги қабулда АҚШда америкача футбол бўйича талабалар чемпионатида ғолиб бўлган «Клемсон Тайгерс» жамоаси аъзоларини меҳмон қилганди.
2019 йил 14 январь. Мэн штати, Уэстбрук шаҳридаги Пресумпскот дарёсида 90 метр диаметрга эга диск шаклидаги муз қатлами ҳосил бўлди. Бундай дискларни шимолий кенгликдаги барча дарёларда учратиш мумкин. Оқиш вақтида сувнинг турли ҳароратда бўлиши оқимни диск пайдо қилади.
2019 йил 15 январь. Найробидаги Dusit меҳмонхонасига террорчилик ҳужуми вақтида хавфсизлик хизмати ходими одамларни эвакуация қилмоқда.
2019 йил 23 январь. Чилидаги венесуэлаликлар Венесуэла мухолифи етакчиси Хуан Гуайдони қўллаган ҳолда Сантьяго кўчаларига чиқишган.
Январь ойи охирида Канада ва АҚШ шимолида кузатилган кучли совуқ ҳаво оқими туфайли Ниагара шаршараси музлаб қолди.
10 март куни Ethiopian Airlines авиакомпаниясининг Аддис-Абебадан Найробига парвоз қилган Boeing-737 MАX 8 самолёти учишга чиққанидан 6 дақиқа ўтиб ҳалокатга учради. Бортда 33 давлат фуқаролари бўлган 149 йўловчи ва экипажнинг 8 нафар аъзоси ҳалок бўлди. Бу 5 ой ичида иккинчи марта Boeing-737 MAX русумли самолёт ҳалокатга учраши бўлди ва бу ҳолат компаниянинг хавфсизликка қанчалик риоя қилишини шубҳа остига қўйди. Фотода: қурбонларнинг қариндошлари авиаҳалокат жойида.
Янги Зеландия бош вазири Жасинда Ардерн Веллингтондаги масжид яқинида мусулмон аёлни қучмоқда.
15 март куни Крайстчерчдаги масжидда ўқотар қурол билан қуролланган шахс 50 кишини отиб ташлади. Қурбонларнинг яқинларига ҳамдардлик билдирган Ардерн ҳижоб ўраб келди.
Акра шаҳридаги Ироқ курдлари Наврўз байрамини нишонламоқда. 2019 йил 20 март
Март ойи ўрталарида «Гринпис» экология ташкилоти ўтказган тадқиқотлар натижасида жаҳоннинг энг биохилмахил нуқтаси сифатида кўриладиган Верде ороли атрофидаги ҳудудда денгиз тубида ва маржонларда пластик буюмлар топилди. Фотода: Верде ороли кўрфазида пластик стакан ичига кириб қолган краб.
2019 йил 3 апрель, Россия. Ямал-Ненецлари мухтор округи. Об қўлтиғидаги «Ғалабанинг 50 йиллиги» музёрар кемаси.
10 апрель куни 8та кучли радиотелескопни бирлаштирган Event Horizon Telescope илмий коллаборацияси тарихда илк бор ўта массив қора туйнук шарпасининг суратини олишга муяссар бўлди.
2019 йил 11 апрель. WikiLeaks асосчиси Жулиан Ассанж Лондондаги Эквадор элчихонасида қўлга олиниб судга олиб кетилмоқда.
14 апрель куни Непал шарқидаги аэропортда самолёт вертолёт билан тўқнашиб кетди. Натижада 2 киши ҳалок бўлиб, 5 киши жароҳатланди. Тоғлар орасидаги «Тенцинг-Хиллари» аэропорти жаҳондаги энг хавфли аэропортлардан бири, унинг учиш-қўниш йўлаги жуда қисқа.
Париждаги Муқаддас она черковидаги ёнғин. Олов бино томининг учдан 2 қисмини, шпили ва соатини йўқ қилган. Ёнғинга 2019 йил 15 апрелдаги реставрация ишлари сабаб бўлган бўлиши мумкин .
«Нубия маликаси» лақабини олган талаба қиз Алаа Салоҳ Суданнинг собиқ президенти Умар Баширга қарши митингда чиқиш қилмоқда.
Суданда ярим йилдан ортиқ давом этган намойишлардан сўнг апрель ойида мамлакатни 30 йил бошқарган Башир ҳокимиятдан четлатилди. Декабрь ойида у 2 йиллик қамоқ жазосига ҳукм қилинди.
2019 йил 17 апрель. Швециялик экофаол Грета Тунберг Рим папаси Франциск билан учрашувда.
2019 йил 21 апрель. Шри-Ланка ҳарбийлари ўнлаб кишилар ўлимига сабаб бўлган терактдан кейин Авлиё Себастьян черковини кўздан кечирмоқда. Пасха вақтида содир этилган портлашлар туфайли мамлакатда 160дан кўпроқ киши ҳалок бўлди.
21 апрель куни шоумен Владимир Зеленский Украина президентлиги сайловларида ишончли ғалабага эришди. У мустақил Украина тарихидаги энг яхши натижага эришди. Зеленскийни сайловчиларнинг 73,04 фоизи қўллаб-қувватлаганди.
2019 йил 5 май. Таиландда қирол Рама X (ҳақиқий исми — Маха Вачиралонгкорн) тахтга чиқиш маросимининг иккинчи куни. У мамлакатни 70 йил бошқарган отаси Пхумипон Адульядетанинг вафотидан кейин тахтни эгаллади.
2019 йил 5 май. Москвадаги Шереметьево аэропортида Sukhoi Superjet 100 самолёти ёниб кетиши оқибатида 41 киши ҳалок бўлди.
2019 йил 8 май. Шаҳзода Ҳарри ва рафиқаси Меган қиролича Елизавета II га икки кунлик ўғлини кўрсатмоқда.
2019 йил 11 май. Хитойдаги Лису халқи вакиллари Юньнань провинциясида ёввойи асал йиғмоқда.
Буюк Британия бош вазири Тереза Мэй истеъфо ҳақида эълон қилмоқда. 2019 йил 24 май.
22 май куни альпинист Нирмал Пурья Эверест чўққисига чиқувчиларнинг рекорд даражадаги навбати (200дан ортиқ киши) тасвирланган суратни намойиш этди. 8 минг метрдан баландликдаги тоғдан тушишда икки альпинист ҳалок бўлди. Ўтган йил баҳорида Эверестга чиқиб тушиш вақтида ҳалок бўлганларнинг сони жами 11 нафарни ташкил этди. Непал ҳукумати томонидан тузилган махсус комиссия тоққа кўтарилиш истагидагилар учун талабларни қатъийлаштирди.
3 июнь куни Букингем саройида Буюк Британия қироличаси Елизавета II ва АҚШ президенти Дональд Трамп иштирокида тушлик маросими бўлиб ўтди. Трампнинг бирлашган қиролликка ташрифи уч кун давом этди. Бу ташриф америкаликлар президентининг Европага турнесининг бир қисми бўлди, ташриф якунида президент 1944 йилда иттифоқчи кучларнинг Нормандияга десант ташлашининг 75 йиллиги маросимларида қатнашди.
Франциянинг Саннервил шаҳрида 280 нафар парашютчи иштирокида тарихий реконструкция.
6 июнь куни Европа давлатлари, АҚШ ва Канада иттифоқчиларнинг Нормандияга десант туширишининг 75 йиллигини нишонлашди.
9 июнь куни Индонезиянинг Суматра оролида Синабунг вулқони уйғонди. Ундан кўтарилган тутун устуни 7 минг метргача етди. Вулқондан жабрланувчилар бўлмади.
11 июнь куни «Медуза» журналисти Иван Голунов озодликка чиқди. У наркотик савдосида айбланган, аммо унинг айби исботланмаганди. Журналистни тергов бошқармаси олдида ҳамкасблари билан бирга Марго лақабли ити кутиб олди. Иван Голунов полиция томонидан 6 июнь куни қўлга олинганди. ИИВ матбуот хизмати унинг квартирасини тинтув қилиш вақтида наркотиклар топилгани ҳақидаги суратларни тарқатди, аммо бу суратлар журналистнинг уйида олинмаганди. «Голунов иши» Россия жамоатчилигида ҳам, хорижда ҳам катта резонансга сабаб бўлди, журналистлар, артистлар ва бошқа жамоат арбоблари унинг озод қилишини талаб қилиб чиқишди.
Москвада Иван Голунов ҳимояси учун ўтказилган марш иштирокчилари полиция ва Росгвардия томонидан тарқатилмоқда. 2019 йил 12 июнь
2019 йил 13 июнь. Эрон ва Араб давлатлари ўртасидаги Форс кўрфазида жойлашган Уммон бўғозида ҳужумга учраган нефть танкери.
Гренландиянинг Каанаак муниципалитетидаги сув билан қопланган музлик. 2019 йил 13 июнь.
Адашиб қолган оқ айиқ саноатлашган Норильск кўчаларини кезмоқда. 2019 йил 17 июнь.
Грузин махсус кучлари россиялик депутатнинг Тбилисига ташрифидан норози одамларни парламент биносидан суриб ташламоқда. 2019 йил 21 июнь.
Июнь ойи охирида Приморье ўлкасида ноқонуний овланиб, «китлар қамоқхонаси»га солинган китлар озод қилиш ишлари бошланди. Бу жараён 10 ноябрь кунига келиб тугалланди.
Генуядаги 2018 йил майида қулаб тушиб 43 киши ўлимига сабаб бўлган Морандидаги кўприк портлатилмоқда. 2019 йил 28 июнь
АҚШ президенти Дональд Трамп 30 июнь куни Шимолий Корея раҳбари Ким Чен Ин билан учрашувда.
Трамп КХДР билан чегарани кесиб ўтган АҚШнинг биринчи президенти бўлганди.
Иркутск областидаги Тулун шаҳри сув тошқини остида қолди, жами 20 киши ҳалок бўлди. 2019 йил 2 июль.
Ҳиндистоннинг Мумбай шаҳридаги зилзиладан кейин. 2019 йил 16 июль.
Гватемалалик мигрант Лети Перес ўғлини қучган ҳолда Мексика Миллий гвардияси жангчисига чегарадан ўтказишни сўраб ўтинмоқда. 2019 йил 22 июль.
Москвада бир неча минг киши эркин сайловлар учун норозилик намойишларига чиқишди. 2019 йил 27 июль
Красноярск ўлкасидаги ўрмон ёнғинлари вақтида парашют билан тайгага сакраётган ўт ўчирувчи. Сибирда ва Узоқ Шарқда ёздаги ёнғинлар туфайли 3 миллион гектар ўрмон ёниб кетди. 2019 йил 31 июль
Красноярск ўлкасидаги Ачинск шаҳри аҳли Каменка ҳарбий қисмидаги снарядлар портлашини кузатмоқда. 2019 йил 5 август.
Кашмирдаги намойишлар вақтида тиконли ниқоб кийган киши.
Август ойи бошида Ҳиндистон парламентининг Жамму ва Кашмир штатлари мухториятини бекор қилиш тўғрисидаги қароридан кейин у ерда намойишлар бошланиб кетганди.
«Уральские авиалинии» авиакомпаниясининг А321 самолёти Москвадаги Жуковский аэропорти яқинидаги жўхори даласига қўнган ҳолат. Бу қўниш «кукуруздаги мўъжиза» номини олди. 2019 йил 15 август.
Ҳонконгдаги намойиш иштирокчиси теннис ракеткаси билан полиция улоқтирган кўздан ёш оқизувчи гранатани қайтармоқда. 2019 йил 25 август
Баҳам оролларидаги Катта Абако оролида вайрон бўлган уй
Сентябрь ойида «Дориан» бўрони оқибатида камида 43 киши ҳалок бўлди - бу ороллар тарихидаги энг кучли ва ҳалокатли табиий офат эди.
Калифорнияда ўт ўчирувчилар иши. Ўтган йил Американинг энг йирик штатида юзлаб квадрат километрларни ёнғинлар қамраб олди ва минглаб кишиларни эвакуация қилишга тўғри келди.
Бразилиядаги маҳаллий гуажажара халқи вакили ноқонуний ўрмон кесувчиларнинг ёнаётган лагери яқинидан ўтмоқда.
Мамлакат президенти Жаира Больсонаро Амазонка водийсининг туб аҳолиси тақдирига бефарқлиги учун танқидларга учради.
2019 йил 7 сентябрь. Россияда терроризмда айбланиб қамалган украиналик режиссёр Олег Сенцов Киевга қўнган самолётдан тушмоқда. У Россия-Украина ўртасидаги асирлар алмашинуви доирасида ватанга қайтди.
29 сентябрь куни Парижда Франциянинг собиқ президенти Жак Ширак билан хайрлашув маросими бўлиб ўтди. Марҳум сиёсатчини сўнгги йўлга кузатиш учун минглаб французлар келишди. Жак Ширак 1995 йилдан 2007 йилга қада Франция президенти бўлган.
Сурия шимолидаги Рас-аль-Айн шаҳри. Орқа фонда автомобил шиналари ёқилиши - бу орқали турклар авиацияси парвозига халал бериш мўлжалланган.
Ҳонконг полицияси водомётлар орқали намойишчиларни тарқатмоқда.
Бу оролда йил бўйи демократик эркинлик ҳимояси учун миллионлаб кишилар митинглар уюштиришди ва бу акциялар ҳамон давом этмоқда.
Афғонистон президентлигига номзод Абдулла Абдуллани қўллаб-қувватлабўтказилган митинг.
Сайловлар сентябрь ойида ўтказилган бўлсада, унинг натижалари декабрь ойи охирида эълон қилинди.
Россиядаги мухолифат тарафдори намойиш вақтида РФ Конституциясини тутиб турибди. 2019 йил 13 октябрь
КХДР етакчиси Ким Чен Ин оқ тулпорда Хитой билан чегарадаги Пэктусан тоғига кетмоқда. 2019 йил 16 октябрь
Чили пойтахти Сантьяго шаҳрида ҳукуматга қарши намойишчилар махсус кучларга қарши лазерлардан фойдаланмоқда. 2019 йил 1 ноябрь.
Венециядаги Gritti Palace меҳмонхонаси сув тошқини вақтида. 2019 йил 12 ноябрь.
Илон Маск ўқ ўтмайдиган Cybertruck электропикапини намойиш этди. 2019 йил 21 ноябрь
Австралия шарқида фермер қўйларини боқмоқда.
2019 йил ушбу материкда кучли қурғоқчилик ва ўрмон ёнғинлари билан ёдда қолди.