Жамият | 16:21 / 30.10.2022
13149
2 дақиқада ўқилади

Қашқадарёда MAN юк машинасида ёнғин чиқди

Фото: Видеодан скриншот

Қашқадарё вилоятининг Яккабоғ туманида MAN юк машинасида ёнғин чиқди. Бу ҳақда вилоят ФВБ хабар берди.

29 октябр куни тахминан соат 21:43 ларда Яккабоғ тумани Фавқулодда вазиятлар бўлимига фуқаролардан юк машинаси ёнаётгани тўғрисидаги хабар келиб тушган. Воқеа жойига соат 21:50 ларда қутқарув хизматидан битта бўлинма етиб бориб, ёнғинни тахминан соат 22:13 лар атрофида тўлиқ ўчирган.

Маълум бўлишича, ушбу транспорт воситаси Самарқанд вилоятида яшовчи фуқаро бошқарувида бўлган. Воқеа пайти мазкур юк автомобили туманнинг «Оқтош» МФЙ ҳудудидан ўтувчи йўл ёқасида тўхтаб турган.

Фото: Қашқадарё вилояти ФВБ матбуот хизмати

Ёнғин оқибатида юк автомобилининг олд (кабина) қисми ёниб зарарланган. Ҳеч ким тан жароҳати олмаган. Ёнғин сабаби ва етказилган зарар миқдорига аниқлик киритилмоқда.

Фото: Қашқадарё вилояти ФВБ матбуот хизмати

Қашқадарё ИИБ берган маълумотга кўра, ёнғин электр симларида қисқа туташув юз бергани сабабли келиб чиққан.

Мавзуга оид