Самолётлар Санкт-Петербургдан Наманган ва Урганчга парвоз қилади.
Фото: ТАСС
Россиянинг «Ямал» авиакомпанияси қишки парвозлар дастури доирасида Санкт-Петербургдан Наманган ва Урганч шаҳарларига мунтазам рейсларни очди. Самолётлар ҳар ҳафта парвоз қилади.
Жумладан, Намангандан Санкт-Петербургга парвоз шанба кунлари маҳаллий вақт билан соат 19:55 да, қарама-қарши йўналишда соат 22:50 да амалга оширилади.
Урганчдан парвоз пайшанба кунлари соат 12:35 да, Урганчга учиш соат 14:00 да белгиланган. Парвозлар Airbus А321 самолётларида амалга оширилади.
