Президент ва номдор давлат стипендиялари ғолиблари эълон қилинди

2023/2024 ўқув йили учун президент ва номдор давлат стипендиялари ғолиблари эълон қилинди. Бу ҳақда Олий таълим, фан ва инновациялар вазирлиги маълум қилди.

Давом этаётган ўқув йили учун бакалавриат босқичининг 685 нафар талабасига президент ва номли давлат стипендиялари берилди. Рўйхат билан бу ерда тўлиқ танишиш мумкин.

Маълум қилинишича, президент давлат стипендияси танловида иштирок этиб, суҳбат босқичига тавсия этилмаган талабалар ректор томонидан тасдиқланган сертификат ҳамда базавий стипендия миқдорининг 3 бараваридаги бир марталик пул маблағи билан мукофотланади.

Шунингдек, номли давлат стипендиялари танловларида қатнашиб, совриндор бўлолмаган талабалар ҳам сертификат ҳамда базавий стипендия миқдорининг 2 бараваридаги бир марталик пул маблағи билан рағбатлантирилади.