Қўшимча функционаллар
-
Тунги кўриниш
Конвертацияни давом эттириш учун экспортни импортга нисбатан барқарор ушлаб туришимиз керак — президент
Шавкат Мирзиёев экспорт Ўзбекистон учун ҳаёт-мамот масаласи эканини айтди.
Президент Шавкат Мирзиёев 2024 йилда инвестиция, экспорт ва халқаро ҳамкорлик соҳаларида амалга оширилиши лозим бўлган устувор вазифалар юзасидан ўтказилган йиғилишда экспорт-импорт, конвертация масаласига тўхталди.
Жумладан, давлат раҳбари конвертацияни давом эттириш учун экспорт жуда муҳим эканини таъкидлади.
«Экспорт бу ҳаёт-мамотимиз. Агар валюта баланси, инвестиция ёки конвертацияни давом эттирамиз десак, импортга нисбатан экспортни барқарор ушлаб туришимиз керак», деди Шавкат Мирзиёев.
Шу билан бирга, президент бош вазир ўринбосари Жамшид Ходжаев, инвестициялар, саноат ва савдо вазири Лазиз Қудратов ва ҳокимларнинг 2024 йилда 18 миллиард долларлик экспорт режаси мутлақо маъқул эмаслигини таъкидлади.
«Иқтисодиётимизни янги босқичга олиб чиқиш учун экспортни йилига камида 30 фоизга ошириб боришимиз зарур. Одамларнинг жон бошига даромадини оширамиз десак, инвестиция керак бизга, экспорт керак бизга», деди Шавкат Мирзиёев.
Давлат раҳбарининг қайд қилишича, 2023 йилда экспорт ҳажми камайгани боис, 560 миллион доллар йўқотилган.
«Ўтган йили икки драйвер тармоқ, тўртта ҳудуд 2022 йилга нисбатан экспорт ҳажмларини камайтиргани учун 560 миллион доллар йўқотилди. Шунингдек, 10 та туман ва шаҳарда экспорт аввалги йил кўрсаткичларининг ярмига ҳам етмаган», деди Шавкат Мирзиёев.
Мавзуга оид
13:52 / 21.12.2024
Ўзбекистон экспортида хусусий сектор улуши 60 фоизга етказилади
12:56 / 19.12.2024
АҚШ Ўзбекистон заъфарони экспорти учун берилган рухсатнома муддатини узайтирди
20:50 / 17.12.2024
Ўзбекистоннинг 18 тонна зарарли помидори Россия бозорига киритилмади
18:11 / 12.12.2024