Учтепа туманида содир бўлган ЙТҲ оқибатида скутер ҳайдовчиси жароҳат олди.
Жорий йилнинг 17 апрел куни соат 04:00 ларда Учтепа тумани Катта Хирмонтепа-Ширин кўчалари кесишмасида йўл-транспорт ҳодисаси қайд этилди.
Тошкент шаҳар ИИББ ЙҲХБ хабарига кўра, 2002 йилда туғилган ҳайдовчи З.А. бошқарувидаги NJA русумли автомашина ҳамда 2004 йилда туғилган ҳайдовчи О.Э. бошқарувидаги скутер тўқнашуви оқибатида йўл-транспорт ҳодисаси содир бўлган.
ЙТҲ оқибатида скутер ҳайдовчиси О.Э. тан жароҳати олиб шифохонага ётқизилган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
