Англия чемпионатида чемпионлик пойгаси давом этмоқда, «Арсенал» ҳамон биринчи, аммо «Манчестер Сити» — фаворит.
Англия чемпионлиги учун даъвогарларнинг иккиси ҳам йирик ҳисобларда ғалаба қозонди
«Арсенал» — «Борнмут» 3:0
Голлар: Сака (45, пеналти), Троссар (70), Райс (90+7).
«Арсенал» – Райя, Уайт, Габриэл, Салиба, Томиясу, Парти, Эдегор, Райс, Ҳавертц, Троссар (Мартинелли, 81), Сака (Жезус, 86).
«Борнмут» – Трэверс, Смит (Ааронс, 89), Сенеси (Унал, 80), Забарний, Кристи, Кук, Скотт (Биллинг, 71), Уаттара, Клюйверт (Февр, 89), Соланке, Семенио.
Огоҳлантиришлар: Скотт (21), Парти (59), Ҳавертц (60), Смит (84), Кристи (90+5).
Баҳорнинг биринчи ойида АПЛда чемпионлик пойгаси иштирокчиларидан бири бўлган «Ливерпул» апрел ойи охирига келиб «Эвертон» (0:2) ва «Вест Ҳэм» (2:2) билан ўйинларда очко йўқотиб, амалда пойгадан чиқиб кетди.
Натижада навбатдаги тур олдидан «канонирлар» — «Манчестер Сити» гегемонлигига барҳам бериш имкониятини сақлаб қолган ягона жамоа бўлиб қолди. Хато қилишга ҳаққи йўқ бўлган лондонликлар бу мавсумда ҳам турнир жадвали марказида барқарор қолаётган «Борнмут»га қарши ўйинни катта иштиёқ билан бошлашди ва тотал устунликка эга бўлишди. Дастлабки 45 дақиқаликнинг ўзида дарвоза томон 16 бор зарба берилиши (рақибда фақат битта) ва кутилган голлар бўйича 3,98 xG кўрсаткичи қайд этилиши Артета шогирдлари бир неча бор ўта қулай позициялардан хато зарба берганини кўрсатади. Ва фақат бўлим охирларида Ҳавертц жарима майдонида йиқилганидан кейин белгиланган пеналтини Сака аниқ ижро этиб, ҳисобни очди.
Танаффусдан кейин мезбонлар тўпга эгалик қилишда у қадар катта устунлик кўрсатишмади, аммо ҳисобни ўзлари учун қулай кўринишга келтиришди: Леандро Троссар Деклан Райснинг пасидан кейин аниқ ва кучли зарба берди, ўйин охирида эса Райс марказий ҳужумчи позициясида пайдо бўлиб, олис бурчакни аниқ нишонга олди – 3:0.
«Арсенал» ҳамон бенуқсон кўринмоқда – АПЛдаги сўнгги 16 ўйиндан 14 тасини ўз фойдасига ҳал қилди, бу вақт оралиғидаги тўплар нисбати – 51:8. Фақат «Астон Вилла» (0:2) ва «Манчестер Сити» (0:0) билан ўйинларда очко йўқотди. Бу турдаги рақиб ҳам кучсиз эмасди – «Борнмут» бу ўйинга сўнгги тўққиз ўйинидан олтитасида ғалаба қозонган ҳолда етиб келганди, аммо «Арсенал»нинг босимига бардош беролмади.
Давид Райя мавсум якунларига кўра «Олтин қўлқоп»ни олиши аниқ бўлди, у барчадан кўп марта ўз дарвозаси дахлсизлигини сақлаб қолган – 29 ўйиндан 15 тасида. Энг яқин таъқибчи – еттита кўпроқ ўйин ўтказган Жордан Пикфорд (унда ҳозир 12 та, максимум 14 бўлади) бўлиб турибди.
«Арсенал» бу мавсумдаги 26 ўйинда ғалабага эришган – бу ўтган мавсумдаги барча ғалабалар сонига тенг. 1930/31 йиллар мавсумидаги натижа билан тенглашиш мумкин (28 та бўлганди), 1970/71 йиллар мавсумидаги рекорд билан эса – йўқ, ўшанда 29 ўйинда ғалабага эришилганди.
Ҳет-триклар учун стадион
«Манчестер Сити» — «Вулверҳэмптон» 5:1
Голлар: Ҳоланд (12 пеналти, 35, 45+3 пеналти, 54), Алварес (85) — Ҳванг Ҳи Чҳан (53).
«Манчестер Сити» – Эдерсон, Уокер, Аке (Стоунз, 69), Аканжи, Гвардиол, Ковачич, де Брюйне (Матеуш Нунеш, 79), Бернарду Силва (Доку, 80), Родри, Фоден (Грилиш, 80), Ҳоланд (Алварес, 82).
«Вулверҳэмптон» – Жозе Са, Аит-Нури, Семеду, Килмен, Гомеш, Буэно (Буэно, 71), Лемина (Беллгард, 46), Траоре, Гомес, Ҳван Ҳи Чҳан (Чирева, 87), Матеус Куня (Сарабия, 76).
Огоҳлантиришлар: Лемина (41), Семеду (45+2), Траоре (64), Гомес (66).
«Сити» ҳам ўз ўйинини ҳал қилди ва қаторасига олтинчи ғалабани нишонлади. Пеп шогирдлари учун бу осонроқ кечди – «Вулверҳэмптон» билан ўйиннинг танаффусигача таблода Ҳоланднинг голларидан кейин 3:0 ҳисоби порлай бошлади, у шундан икки голни пеналтидан урди. Икки пеналти орасида у бош билан ҳам аниқ зарба берди (бу унинг 2023 йил октябридан буён илк бор бош билан гол уриши бўлди). Бу «Этиҳад» тарихидаги ўттизинчи ҳет-трик — АПЛнинг энг сермаҳсул аренаси. У лигада дастлабки 45 дақиқа ичида уч гол урган учинчи футболчи — Майкл Оуэн ва Энди Коулдан кейинги.
54-дақиқада норвегиялик айланма зарбаси билан узоқ бурчакни аниқ нишонга олган ҳолда покерни нишонлади – бу Эдерсоннинг тўпга чиқишдаги хатосидан кейин ҳисобни қисқартирган Ҳванг Ҳи Чҳаннинг голидан бир дақиқа ўтмай рўй берди – 4:1.
У «Сити»нинг собиқ футболчиси Габриэл Жезуснинг натижасини яхшилай олмади, бразилиялик ҳужумчи ўз вақтида покер учун 53 дақиқа сарфлаганди.
Пента-трикнинг ҳиди кела бошлаганди, бу унинг учун мавсумдаги иккинчиси бўлиши мумкин эди (февралда скандинавиялик ҳужумчи кубок ўйинида «Лутон» дарвозасига бешта гол йўллаганди), аммо бунга икки киши йўл қўймади. Аввалига — «Вулверҳэмптон» дарвозабони Виктор Са тўсин остига кираётган тўпни қайтариб қолди. Кейин — 82-дақиқада ўз мерганини майдондан олишга қарор қилган Хосеп Гвардиола.
Ҳоланд бундан жуда норози бўлди. У ўзини ўтган турда Салоҳ билан бўлган вазиятдаги тутмади, аммо норвег тилида бироз сўкинди.
Аммо ўйиндан кейин Sky эфирида чемпионлик пойгаси ҳақидаги саволга жавобан Эрлинг юзида табассум билан шундай деди: «Ортимда турган одам энг ёмон мураббий эмас».
Норвегиялик ўрнига туширилган Алварес эса дарҳол ўз голини уриб, амалда ўйинга нуқта қўйди.
Ҳоланд 25 гол билан АПЛ тўпурарлари рўйхатида энг яқин таъқибчилари Александер Исак ва Коул Палмерни (ҳар иккиси 20 тадан) ортда қолдириб кетган. Бу мавсумда 27 ўйинда 25 гол, ўтган мавсумда 35 ўйинда 36 гол. График ўхшаш.
«Сити» ҳамон йўқотилган очколар бўйича олдинда, икки жамоада ҳам ҳали суперматчлар бўлади
Турнир жадвали мавсум якунланиши арафасида шундай кўриниш олган. «Сити» пастроқда, аммо бир захира ўйинига эга.
- «Арсенал»нинг ўйинлари: «МЮ» (сафар), «Эвертон» (уй).
- «Сити»нинг ўйинлари: «Фулҳэм» (сафар), «Тоттенҳэм» (сафар), «Вест Ҳэм» (уй).
Аввалига 11-13 май кунлари 37-тур ўтказилади, кейин учта қолдирилган ўйин (жумладан, «Тоттенҳэм» – «Манчестер Сити» ўйини ҳам). Сўнгги тур 19 майга белгиланган.
