“ТИҚХММИ” Миллий тадқиқот университети яна бир нуфузли рейтингда дунёнинг ТОП-1000 талик университетлари сафидан жой олди

“Тошкент ирригация ва қишлоқ хўжалигини механизациялаш муҳандислари институти” миллий тадқиқот университети дунёнинг яна бир нуфузли рейтинг агентлиги “THE (Times Higher Education)” томонидан эълон қилинган THE World University Ranking-2025 (дунё университетлари рейтинги) натижаларига кўра, 43.2 балл билан дунё университетлари халқаро рейтингида ТОП 601 ўринни, Марказий Осиё ва Кавказорти давлатлари университетлари бўйича ТОП-2 ўринни, Ўзбекистон Олий таълим муассасалари орасида ТОП-1 ўринни эгаллади.

ТНЕ дунё университетлари рейтинги натижаларини аниқлашда “ТИҚХММИ” Миллий тадқиқот университети қуйидаги алоҳида кўрсаткичлар бўйича тегишли ўринларни эгаллади:

Ўқитиш сифати (Teaching) – 33.4 балл билан 561-ўрин;

Тадқиқот сифати (Research quality) – 81.3 балл билан 299-ўрин;

Саноат (Industry) – 48.8 балл билан 891-ўрин;

Халқаро ҳамкорлик – 39.9 балл билан 998 ўрин ва умумий ҳисобда 43.2 балл билан ТНЕ дунё рейтингида ТОП-601 ўринни эгаллади.

Эслатиб ўтамиз, жорий йил июн ойида “Тошкент ирригация ва қишлоқ хўжалигини механизациялаш муҳандислари институти” миллий тадқиқот университети “QS (Quacquarelli Symonds)” халқаро рейтинг агентлиги томонидан эълон қилинган QS WUR-2025 (дунё университетлари рейтинги) натижаларига кўра, ТОП 547-ўринни эгаллаган эди.

Tiiame.uz | Facebook | Instagram | Telegram | Youtube

Реклама ҳуқуқи асосида